Maxaa Sababay in Musharaxu
xiligan tartamo
- Hubanti la'aanta siyaasadeed ee ka jirta Puntland
- Baahida Bulshadu u qabto isbadel taabo gal ah
- Saluuga bulsho ee ku aadan maamulka jira iminka
- Tayo xumada iyo qorshe la'aanta mucaaradka
- Baahida bulshadu u qabto helista hogaan cusub oo daacad ah
Ayaa ah sababaha ugu waaweyn ee Musharax Faarah Aw-Cismaan ku xambaartay inuu xiligan adag isa soo sharaxo. Maxaa yeelay, Faarax waa hogaamiye leh dareen wadaniyadeed, danqasho dadnimo iyo damiir Islaanimo. Waa hogaamiye bulsho oo mudo dheer u adeegayay ummadda Soomaaliyeed iyo kuwa reer Puntland gudo iyo dibadba. Waa hogaamiye ka duwan kuwii hore iyo kuwa iminka siyaasadda ku hardamayaba. Waa hogaamiye la iman doona hanaan dowladeed iyo horumar ay bulshu ku diirsan doonaan. Musharaxu wuxuu dejiyay qorshe wax-qabad oo toban qodob ka kooban, qorshahaas oo ka turjumaya baahiyaha bulsho, nololeed, amni, midnimo, dhaqan-dhaqaale iyo horumarineed ee reer Puntland ay hamuunta u qabaan. Musharaxu waa hogaamiye leh aqoon sare oo maadi ah iyo mid diimeedba, waa mideeye, xalaal quudad ah oo ilaalin doona amaanadda ummadda, lana dagaalami doona; eexda, laaluushka, cadaalad-darada, musuqmaasuqa, qabyaalada iyo wax kasta oo ummadda reer Puntland sharafteeda, sumcadeeda, midnimadeeda, horumarkeeda iyo dowladnimadeeda wax u dhimaya.
